Sitzt bei einem Glas Bier.
Ich menn grad, des wär' als noch [immer noch] e bissel dinn, des Bier do!
In einer Gastwirtschaft in der Kolonistensiedlung Viereichen
-
-
Der Wirt.
Ich wääs jo ah net, ich kónn nore ausschenke was ich geliwwert krie.
-
Orrer de brauscht selwer awwa dodefor dädschde ä Erlaubnis brauche, gelle?
-
Der Wirt.
Ei jo, des wääsche doch!
Ein anderer Gast.
Ja, des Problem is wahrscheins, daß meer do allegar evangelisch sinn un de Herr Brauereibesitzer kadolisch. Do werd nadeerlich uns de raulichte Dreck geliwwert.
-
Ei jo wääs ichs..
Do mißte mer halt emòl in Kleeberich in die Wertschaft... Wònn die besseres Bier, dann fahrmerm awwer nuff!
-
Jo,was willen ehr dònn in de Wertschaft in Kleeberj, wònn er dò enn hònn
! Ònneres Bier hònn die doch aa net! Wònns net schmackt trinke doch Beerewai!
-
Des will ich jo grad wisse... Weil kennt jo schunn sinn, daßer de Kaddeligge besseres Bier liwwert und saat, die Evangelische solle saufe was iwwerig bleibt orrer so.
Was fa Beerewai, met dennne vum Baam orrer denne vum Strauch (Anmerkung: "Beere" kann sowohl "Birnen" als auch "Beeren" heißen)!? Weil des wär' mer jetz se sieß, do hasche jo noth (dann) am näggschde Daa Koppweh bis dorthinaus. Wääschde, was mer mol mache kennt, Quetschewoi (Zwetschegnwein), des mache die in Chinopje. Orrer ware des Praume (Pflaumen)?
nimmt einen Schluck Bier
Wie wònn do enner Wasser ninngeschitt hätt! Do mischde mol anne (hin) fahre und die Fässer zerschlaa! Wònn de Kutscher vorbeikummt...Verleicht zwackt jo a der sich was ab...
-
Hasche schunn mo driwwer noogedenkt, daß meer die äänziche in dem seim Innzuchsbereich sinn, die wo evangelisch sinn, orrer verleicht noch ää ònneres Dorf. Der braut doch net nore for uns schleecht Bier, orrer denksche des?
Bääres Kut, hònn ich bääres ich hònn awwer die vum Baam gemennt...Net nore in Chinopje, awwer Qutschewai orrer Praumewai denn hònn ich jetztert net awwer e Quetscheschnaps, denne härrich!
Jo, Kurt ich wääs es jo nau (jetzt). Awwer des merrem Kutscher.. Jo stift mich net zu ner iwwwele Nooredd oa...Ich hònn kee Geld for zum Finschter enaus se schmeiße!
-
Joo, was wääs ich... Der wärd Wasser ninschirre...
Jo Bu, dònn bring mer halt emòl ä Gläsje vun dem Beerewei vum Baam, Paff!
Jo, was bischen Du fore Pienser (Jammerlappen, Heuler), die Wohret werd mer doch noch saan derfe!? Jo, solle ehr Bier welwer saufe, die Kaddeligge! Mer misse mòl uff Kaisersbrg schreiwe, daß mer evangelisches Bier krie.
-
Der Bierfahrer betritt die Kneipe, die man hier "Wirtschaft" nennt.
Kinga, Kinga, öch bring eich das Biea, beschdömmt hoe ea al (schon) Derscht!
-
De Herr Bierkutscher!
Mei leewa Freind , Du kommsch mer grad recht.
mit lautem Organ
Sammo schirre eer em do Wasser ninn in des Bier? Des werd jo alsfort dinner! Des gure saufen ner wahrschòins selwer ehr Kaddeligge!
-
Erbarmung!
Wea tue nuscht nich dergleichen! Öch derf doch scheen bitte, Du Lorbaß!
Wänn dann sind das doch eha eire Häan Protestanten, die uns schlachteres Kore und Hoppe zuweise..
-
Wie heescht Du mich, Lorbaß? Ich glaab Du hasch wohl se viel vun dòim Bier, wo de als fahrsch intus!?
Jo, jetzt selle meer do werrer selwert drò schuld sinn! Wónn des so wär' dònn däre die vun Kaisersburch uns doch an e evangelischi Brauerei gewwe, orrer verleicht net? Weil meer im Dorf do sin doch all evangelisch! Nore alles drumerum halt net!
Ich werr mo`m Schindler schreiwe, was eer uns do fore raulichs Zeich als schigge!
-
Jo, Kurt, jetzt heer doch emòl uff, wònn des Bier emòl werrer knapp is, kriem meer am Enn nix, weil Du so e Ballawer masch!
-
Winkt ab.
Was fore Pienser bischen Du, Ginder!? Do saufe mer halt unser Beerewoi, orrer braue selwert! Die Wohret werd mer doch emòl saan derfe. Notfalls fahre mer uff Kaisersburch un hole uns unser Bier vun do!
-
Wochen später, die Tochter des Wirts
Sammo (Sag mal) Kurt, Du wahrsch doch jetz net im Ernscht uff Kaisersbuch gefahr um do beim Schindler orrer em Oschtfeld Rabatz se mache aß ehr besseres Bier griehn!? Was issen dodebei rauskomm!? Die werre Dich enausgeschmiß hònn!
-
"Das ist empeerend, wir werden uns darum kimmern! Es kann nicht ahngehn, daß gute Protestanten schlechtes Bier trinken missen, weil die Katholiken ihnen schlechters liefern!", harrer gesaat, so wohr ich do steh!
Kann ein Grinsen kaum unterdrücken
-
Jo, so siehscht Du aa grad aus! Fär dumm vekaafe kònn ich mich ah selwert (selbst)!
-
Jo, ich war doch net desdewej (dessentwegen) dort, ich hònn em Edda e Geschenk besoit! Außedem warich beim Spezialdogder (Facharzt), wo ich mich doch do beim Schaffe (Arbeiten) in de Fawwerik veletzt hònn! Ich hònn jo erscht net gewillt, wie awwer die Fahrt die Kronkekaß [bezahlt hat], ei do hónn ich doch die Gelejeheit beim Schopp ergriff!
-
Do komme mer der Sach näher! Beim Schaffe? War des net beim Fußballschbiele? Was haschem Edda kaaf!?
Jetzt mitmachen!
Sie haben noch kein Benutzerkonto auf unserer Seite? Registrieren Sie sich kostenlos und nehmen Sie an unserer Community teil!
