Beiträge von Edeltraut Pfaff

Zitat von Bohuslava Blaháková

Die Dings, ja die Dings, das bin ich in der Tat, das paßt eigentlich immer! Einen schönen guten Abend übrigens.

schmunzelte

Es geht so mit etwas Mühe, auch wenn der Dialekt für mich ungewohnt ist. Vielleicht ein Glas Bier und etwas zu essen, Bratkartoffeln mit Ei und Bratwurst vielleicht...

Gunnowend, ei des hònnich jo gònz vegeß und willkomme do. Sie weere entschuldsche awwer dodruff warich net vorbereit. Blahakova heeßen Se, gelle!?

Des hòmmer do. Kommt gleich! Awwer ich kennt Ihne aa Lewwerknepp mit Grumbereschdambes und Sauerkraut aaⁿbiere, wònn se ebbestippisches vun do esse wille.

Sie sinn doch die Dings.. Allewei werrich verickt, do harrer jo doch die Wohret (Wahrheit) gesproch de Kurt, ich meine de Herr Schneider!

Kurt, dreh dich emol erum, e Bekònndi vun deer!

Was kònnich for Se dun? Sie verschdehn mich jo orrer muß ich met Ihne hochdaitsch plaure aß se mich veschdehn!? Weil des werd hart... Weil die ònnere do in de Gejend sprooche dorch Zufall net so veel ònnersch wie meer, aß mer hochdeitsch rerre mißt... Do sinn ich arich außer Iewing (Übung)!

Ah desdewej zahlsche pinktlich.... Gut, as ich des wees!

Oh bleib mer fort mit de Bolledig, wònn der redd, saarer nore werrer asser alles richdich gemach hat un so weirer, aaawer as meeer jetz trotzdem Oppre (Opfer) bringe misse un so weirer.... "Weil wir so ein hervorraachende wirtschaftliche Laache haben, muß jetzt die Biersteier um ainiche Pfenniche erheeht werden, dadamit das Steieraufkommen auch mit der wirtschaftlichen Entwicklung mithalten kann!" Ich däät mo geere wisse wie veel Geld meer do in Werreminn losse...

Ei des finn' ich jetzt werrer gut an Deer, Kurt, Du bezahlsch des a werklich, ònnere losse als uffschreiwe un dònn derfsche denoo herrenne...

Loß ders schmacke!

Ei joe!

Bitte! Wiffel Pònnekuche packschen dònn?

Ei jo schunn, steht halt vore enner un babbelt, un die hucke drumerum, wie meer sellemols (damals) in de Schul beim Schullehrer.

Jo, des wär awwer gar net so vekehrt.... Was ich do an Raach als schlucke muß, ich komm mer jo vor, wie e Schornstefeecher un sinn als schun vesucht selwer aaⁿzefònge. Un Fußball... Entwerrer ehr sinn fort beim Fußball, orrer meer derfe die Veletzinge kureere.

Ah, so hònner des also gemach... Do warener jo doch schunn ebbes raffeneert...

Ich glaab, do hòmmer schun an annrer Stell driwwig gesproch, iwwer Wiereminn. Awwer do saasche was; erinner mich net droa, wiemer hann Rummele (Futterrüben) fresse misse und laurer so e Dreck , wo eichentlich Viehfurer (Viehfutter) is. Der Scheierschmònn der Drecksack der dreckig, was der uns oageduh hat, un demm sei Freind vun Sääfeschdää.

Hasche aa schun Werremin geheert? Jo alle, jetz sin die do driwwe a kabudd. Bankrott sinnse! Un unser Programm meld was vun Hilfsliwweringe.

Ich sieh schun kumme, (d)aß meer des not (dann) alles bezahle derfe, gelle, weil de Schindler sich prowweleere (profilieren) will! Grad so as härre meer es schun werrer dicke!

Jo, des muß awwer dònn schun e arich (arg) deires Kaffee sin, wo ehr do drin gehuckt (gesessen) hòn? Weil so ens (eine) des werd sich net mit em normale Kaffee sefriere gewwe un Schloßkaffee, des heert sich schun so richdich aaⁿ wie wònn de for e Tass Kaffee e halwer Daa schaffe mischt. Was eichentlich for "Vorlesinge", kenne die Schdorrende net selwert lese? Was gehe die dònn so long in die Schul!?

Wie hònner des Geld eijentlich erausgebrung aus Bajar? die hònn doch denne dabbiche Keenich wo alsfort (immer) besoff is! Als Kunde wär' der jo net schlecht, awwer... Jo, alle. (Nun ja...) Awwer des is jo aa noch e Kommenischt, der däät jo do sich vollaafe losse, un dann därer dich enteichne...

Ija (ein starkes Ja, hier im Sinne von "ganz sicher" gebraucht) und wie Du ewegwarscht, war do bei uns de Balzer un de Kaiser vun Dreiberje!

Deier Parfiem un Schloßcafè!? Kònn sinn, (d)aß mer ebbes uff großen Fuß lewe?

Auwauwau, jetz is Werksmònnschafft schun geschafft! Jo komm, vezehls schun, orrer kònn mers net vezehle!?

Jo, wen Du schun getroff hòn wersch..! Enner vun do (hier)?

Do komme mer der Sach näher! Beim Schaffe? War des net beim Fußballschbiele? Was haschem Edda kaaf!?

Jo, so siehscht Du aa grad aus! Fär dumm vekaafe kònn ich mich ah selwert (selbst)!

Sammo (Sag mal) Kurt, Du wahrsch doch jetz net im Ernscht uff Kaisersbuch gefahr um do beim Schindler orrer em Oschtfeld Rabatz se mache aß ehr besseres Bier griehn!? Was issen dodebei rauskomm!? Die werre Dich enausgeschmiß hònn!