Ei do kommt mer sich halt so klää vor... Do ware se jo noch heecher(höher)! Awwer net bei uns, gelle? Orrer...Ich menn ehr Inschdiduht...
nahm einen Zug von seiner Cigarre
Ekonomie? Lòndwertschaftt orrer Nationalekonomie/Betriebsekonomie, also des Kaufmännische, orrer wie des hääßt?
Ja, mit de Ääre, ja wissen Se, ich sinn jo keh richdicher Bauer meh, ich hònn es Mähnschde vepacht, e bissel werd noch newich her (nebenher) gemach', was soll ich des deier kaafe, wónn ich's aa ausem eijene Gaade... Awwer de Borrem (Boden) isch bei uns am Ord net so arich (so gut). Weil mer sinn jo erscht spoorer (später) kòmm
Awwer ich sinn jo in de Kofferfawwerik, seeerscht warich ääfacher Awweider, dann Vorawweider un am Enn Mähnschder. Mir mache a net numme Koffere, a Lerrergärdel un so ebbes. Die Koffere, do hòmmer a verschierene die billiche aus Preßpappedeckel, do werd so e Muschter ningeprächt und des dònn impregniert usw., welle aus Stoff un dònn die gure aus Lerrer.
Des war awwer aa e Rotz, wo's uns so dreckich gòng isch in dere Kries. Glaawen Se jemmònd kaaft Koffere inra Kries!? Denk net drò! Awwer des isch jò zum Glick vebei, war im Prinzip schun vebei, wie die Grenze offe ware, wie se dónn werrer zu ware hòmmer schun gedenkt, jetz isch werrer aus, weil kenner verääse duht, awwer jetz isch werrer gud, meer exbordeere a deck (viel) vun denne Koffeere.
Awwer die Ääre die isch aa in Ordning. Kennt nadeerlich besser sinn.... Awwer kee Vergleich zu denne beese Johre!
als er "Protestantin" hörte formte sich das Gesicht zu einem Lächeln
Des isch gut, weil wònn ich do drò denk, wie die Kaddtteligge im 30jährische Kriech (halt ein MN-Pendant) gewiet hònn, do ware am Enn uhngeloh an manche Ordde 90 Prozent vun de Evangelische dod! Gud, do in Korlònd war des wohl net so dramadisch, awwer an annere Orde...
Jo, geheirad werd jerenfalls net unnernònner (Evangelische und Katholische sind gemeint). Wónn mer frisches Blut im Dorf wille, hole mers vun außerhalb... Also vun weirer außerhalb...
Und dabei kleide ich mich extra ortsüblich...
Awwer wer sinn Se dònn jetz, ich menn grad Sie wäre do die Minischderin vun Nordhanar... Awwer des gebbds doch net. For Aprilscherze isch doch schunn se schbod! Orrer isch des verschdeckelte Kòmera, orrer so? Do hònn se doch im Auslònd so Sendinge, hònn ich in de Zeiring geles'...